DAVAO CITY – NASIKOP sa operasyon sa Criminal Investigation and Detection Group (CIDG) Maguindanao ang usa ka gituohang myembro sa Bangsamoro Islamic Freedom Fighters (BIFF) – Bungos Faction nga nailalom sa liderato ni Kumander Motorola. Nadakpan ang suspek sa Purok 3, Barangay Malingao, Kadayangan, Special Geographic Area sa BARMM.
Giila ni Acting CIDG Director BGen. Christopher Abrahano ang dinakpan nga si alyas “Maro,” 29 anyos, nga adunay kasong murder ug attempted murder.
Base sa mga warrant of arrest nga gipagawas sa Regional Trial Court sa North Cotabato niadtong 2019 ug Enero 2020, giingon nga sangkot si alyas Maro sa pagpamatay sa respetadong community elder nga si Tiyo Takuranga Egap niadtong Abril 2019 sa Midsayap, North Cotabato.
Nakumpiska sa operasyon ang usa ka calibre .45 pistol, magazine, mga bala ug cellphones gikan sa suspek. (Camille Santos Naraga)(Source: Contributed)