DAVAO CITY – Usa ka 18-anyos nga batan-on ang namatay human mabangga ang iyang motorsiklo sa usa ka cargo van sa MacArthur Highway, Barangay Dumoy, Davao City, pasado alas-9:00 sa buntag, Nobyembre 12, 2025.
Giila sa kapulisan ang biktima nga si Michael Medina Laureano, residente sa Crossing Bayabas, Toril District, nga nagbiyahe gikan Toril paingon sa downtown Davao.
Samtang Ang van giingong gimaneho ni Guillermo Lagmay Lagumbay Jr., 57 anyos, residente sa Sitio Bakal, Agdao, Davao City.
Tungod sa kusog nga impact, nalagpot si Laureano ug nagbagnos sa kalsada. Dayon siyang girespondihan sa Bago Aplaya Responder Team ug gidala sa Malta Medical Center, apan gideklarar kini sa doktor nga dead on arrival.
Karon, anaa na sa kustodiya sa kapulisan ang drayber sa van samtang nagpadayon ang imbestigasyon sa insidente.(camille Santos Naraga)(Source: Contributed)