DAVAO DEL SUR – Pormal nang giturn-over ang bag-ong building sa Philippine Drug Enforcement Agency (PDEA)-Davao del Sur Provincial Office niadtong Oktubre 29, 2025, nga nahimutang sa OPAG Compound, Digos City.
Ang maong pasilidad gitukod pinaagi sa pondo gikan sa opisina ni Davao del Sur Lone District Representative John Tracy Cagas ug gi-implementar sa Department of Public Works and Highways (DPWH).
Sumala sa PDEA-Davao del Sur, dako kini’g tabang aron mas mapaayo ang ilang operasyon ug serbisyo batok sa ilegal nga droga, lakip na ang mas paspas nga pagresponde ug koordinasyon tali sa mga ahensya.
Gilauman nga pinaagi sa bag-ong opisina, mas mapalig-on pa ang implementasyon sa mga anti-drug operations ug mga programang pangkomunidad nga makatabang sa pagpanalipod sa kabatan-onan ug katawhan batok sa epekto sa droga.(Camille Santos Naraga)(Source: PDEA XI)