Nadakpan sa kapulisan ang usa ka wanted person nga nailhang alyas “Lucas” atol sa operasyon nga gipahigayon sa Kapalong, Davao del Norte.
Gipahigayon ang operasyon sa mga sakop sa Kapalong Municipal Police Station (MPS) kauban ang DNPIDMU ubos sa pagpanguna ni PMAJ Bryle F. Patalinghug, Chief of Police. Ang pagdakop gibase sa Warrant of Arrest nga gi-isyu sa korte batok sa suspek alang sa kasong Homicide, isip kabahin sa Simultaneous Anti-Criminality Law Enforcement Operations (SACLEO).
Sumala sa kapulisan, gisunod ang tanang legal nga pamaagi sa pagpatuman sa warrant, lakip ang paggamit og alternative recording device ug ang pagpahibalo sa suspek sa iyang Miranda Rights sa pinulongang iyang nasabtan.
Pagkahuman sa operasyon, gidala ang suspek sa Kapalong MPS aron sa booking, dokumentasyon, ug mandatoryong medical examination. Human niini, ibalhin siya sa hustong custodial facility subay sa mando sa korte.
Gipahayag ni PMAJ Patalinghug nga ang kalampusan sa operasyon kabahin sa padayon nga kampanya sa Kapalong MPS batok sa kriminalidad ug sa pagpangdakop sa mga wanted person aron masiguro nga matubag ang hustisya.(Camille Santos Naraga)(Source: PNP Kaplong MPS)