Giklaro ni Davao City Police Office Director Col. Alberto Lupaz nga dili tinuod ang alegasyon nga terorismo ang nahitabong pagpabusikad sa sakyanan sa Ecoland, Davao City.
Kini gumikan usab sa mga lig-on nga pahayag gikan ni Atty. Alberto Magulta nga matud pa may kalambigitan ang nasangpit nga insidente sa mga kasong gigunitan niini partikular sa rehiyon dose diin posibleng personal nga motibo o may kalabotan sa trabaho ang hinungdan niini.
Kini ang gihatagan ug katin-awan ni Col. Lupaz aron dili motubo sa huna-huna sa katawhan ang kabalaka labot sa seguridad sa dakbayan.
Giawhag usab niini ang katawhan nga dili magpataka og post sa social media sa mga impormasyon nga dili tinuod og kinahanglan nga unahon ang pagsuta una mag post aron malikayan ang kalibog sa katawhan nga posibleng mosangpot sa kahadlok.
Gituohang anaa sa 20-25 ang pangidaron sa mga suspek kinsa padayong gipangita karun sa otoridad.
(Camille Santos Naraga)
(Source: DCPO)