DAVAO CITY – Detenido karon sa Calinan Police Station ang usa ka admin staff nga giila sa alyas “Aries”, 26 anyos, residente sa Purok 9, Barangay Lacson, Calinan District, Davao City, human maaktohan sa mga pulis nga nagpabuto og firecracker ug nagduslit og sparkler atol sa pagsaulog sa Bag-ong Tuig.
Sumala sa report sa kapulisan, nakit-an mismo sa mga pulis ang suspek nga nagduslit og sparkler sa public area, hinungdan nga nakaalarma sa mga tawo ug misangpot sa iyang pagdakop.
Ang suspek karon anaa sa kustodiya sa Calinan Police Station ug pasakaan og kaso sa Enero 3, 2026 sa piskalya tungod sa paglapas sa firecracker ban nga ginapatuman sa Davao City sulod na sa 23 ka tuig. .(Camille Santos Naraga)(Source: Contributed)