DAVAO CITY – Nasakmit sa Bureau of Customs sa Ninoy Aquino International Airport (NAIA) ang usa ka abandonadong padala nga unod ang mga illegal nga droga nga gibana-banaang nagkantidad og kapin ₱16 milyon.
Sa operasyon nga gihimo sa NAIA Inter-Agency Drug Interdiction Task Group kauban ang Philippine Drug Enforcement Agency (PDEA) sa Central Mail Exchange Center, narekober ang 3,025 ka gramo sa Ketamine nga nagkantidad og kapin ₱15 milyon, ug 858 ka gramo sa high-grade Marijuana Kush nga nagkantidad og kapin ₱1.2 milyon.
Gisusi karon sa mga otoridad ang gigikanan sa padala ug posible nga mga indibidwal o grupo nga responsable sa pagpasa niini. Nagpadayon ang imbestigasyon aron matumbok ang mga suspek ug mapalig-on pa ang kampanya kontra ilegal nga droga.
Pahimangno sa Bureau of Customs ug PDEA: padayon ang mahugot nga pagbantay batok sa pagpamalusot sa mga illegal nga substansya pinaagi sa mga kargamento ug international mail.(Camille Santos Naraga)(Source: Contributed)