DAVAO CITY – Gisikop sa National Bureau of Investigation XI (NBI XI) ang walo ka Chinese national atol sa raid sa usa ka giingong POGO hub sulod sa usa ka eksklusibong subdivision sa Buhangin, Martes, Agosto 12, 2025.
Sumala sa NBI, unom sa mga nadakpan lalaki ug duha ang babaye. Nakuha usab ang 10 personal computers ug mga cellphone nga gituohang gigamit sa operasyon.
Giingon nga gipagamay na sa POGO operators ang ilang operasyon aron malikayan ang pagsakmit sa mga awtoridad. Giandam na ang kasong ipasaka batok sa mga nadakpan. (Camille Santos Naraga)(Source: Contributed)