DAVAO CITY – Gipropose ni Davao City Police Office (DCPO) Acting City Director PCOL Mannan Muarip nga ipriso sulod sa unom (6) ka bulan hangtod usa (1) ka tuig ang mga first-time violators sa liquor ban sa Davao City.
Gipasaka ni Muarip ang maong suhestyon atol sa iyang courtesy call sa 21st City Council kagahapon, Martes, Agosto 20.
Matod pa sa opisyal, mas strikto nga silot ang kinahanglan aron malikayan ang pag-inom sa publiko ug maibsan ang mga aksidente nga kalambigitan sa mga motorista nga nagmaneho nga hubog.
Sa kasamtangan, base sa Liquor Ban Ordinance sa Davao City, multa ra ang gipatuman nga silot alang sa unang paglapas. (Camille Santos Naraga)(Source: Contributed)