DAVAO CITY – Midawat ang lokal nga kagamhanan sa Davao City og 580 ka wheelchair nga donasyon gikan sa People’s Republic of China pinaagi sa Chinese Consulate General sa Davao City atol sa turnover ceremony nga gipahigayon sa Rizal Park niadtong Mayo 20, 2026.
Ang maong mga wheelchair ipanghatag ngadto sa mga Persons with Disabilities (PWDs) sa dakbayan pinaagi sa City Social Welfare and Development Office (CSWDO) ug Persons with Disabilities Affairs Office (PDAO).
Mitambong sa seremonya sila Vice Mayor Sebastian Duterte, Consul General Zhao Xiuzhen, mga opisyal sa Chinese Consulate General, mga konsehal sa dakbayan, department heads, ug mga benepisyaryo.
Sumala sa lokal nga kagamhanan, dako kining tabang aron masuportahan ang panginahanglan sa mga PWD ug mapalambo pa ang ilang kahimtang sa adlaw-adlaw nga pagkinabuhi.(Camille Santos Naraga)(Source:City Government of Davao)