Davao City – Gikalipay sa mga kapin 500 solo parents ang nadawat na ayuda gikan sa Drivers United for Mass Progress and Equal Rights – Philippines Taxi Drivers Association (DUMPER-PTDA) pinaagi sa Assistance to individuals in crisis situations (AICS) program sa DSWD kagahapong adlawa, Huebes, Marso 16 sa Mintal Gymnasium, Brgy. Mintal Proper, Davao City.
Matag usa kanila midawat og tag-P3,000 nga personal nga gitunol ni DUMPTER PTDA Partylist Rep. Claudine Diana Bautista-Lim.
Sa mensahe ni Rep. Bautista-Lim iyang giingon nga nabati niya ang importansya sa usa ka inahan, nga may dakong papel sa kinabuhi sa mga bata ug kini iyang ihatag sa mga solo parents sa pagsaulog sa International Womens Month.
Ang DUMPER-PTDA nakatakdang mohimo na sab og pay-out sa AICS program didto sa mga lugar sa Davao del Sur sa mosunod nga semana. (Camille Santos Naraga)
(Source: Rep. Bautista Lim)