Nakaawat dagiti mannalon ti tabako iti Munisipio ti Pasuquin iti farm inputs assistance babaen ti Municipal Government of Pasuquin ken Municipal Agriculture Office (MAO), kas paset ti implementasion ti Fiscal Year 2022 Excise Tax Fund segun iti Republic Act No. 8240. Karaman iti assistance package ti basal fertilizer, sulfate fertilizer, urea fertilizer, ken insecticides a makatulong kadagiti mannalon a mangpasayaat iti panagmanehar ken produktibidad ti apit. Ti programa ket maipanggep a mangpabassit iti gastos dagiti mannalon ken mapasayaat ti kalidad ken apit ti tabako, ken suportaran ti agtultuloy a panagdur-as ti sektor ti agrikultura ti munisipio. Babaen daytoy a gannuat, agtalinaed ti lokal a gobierno a mangpabileg kadagiti mannalon ken mangitandudo iti nasustinar ken natalged a komunidad dagiti mannalon iti Pasuquin. By: Niña Tabilos