DAVAO CITY – Umabot sa 36 ka improvised lantaka ang nakumpiska sa mga pulis atol sa ilang pagpapatrolya, nga gigamit sa mga menor de edad isip pang-ingay sa pagsalubong sa Bag-ong Tuig, sa tulo ka lugar sa Davao City kagabii, Disyembre 31, 2025, ug sa kaadlawon sa Bag-ong Tuig.
Bandang alas 10:00 sa gabii, 14 ka lantaka nga gihimo gikan sa tin cans ug plastic bottles ang nakuha sa mga pulis sa Barangay Leon Garcia, Agdao District, Davao City, nga gibiyaan sa mga menor de edad human ilang mabantayan ang pag-abot sa mga pulis.
Unom (6) ka improvised lantaka usab ang nakuha sa mga pulis sa Purok 29, Estores Malagamot, Panacan, Davao City bandang alas 3:30 sa kaadlawon sa New Year’s Day.
Samtang 16 ka lantaka ang nakumpiska sa Barangay Riverside, Calinan District, Davao City, sa kaadlawon gihapon sa Bag-ong Tuig.
Gitubag lamang sa mga otoridad ang sumbong sa mga residente sa Barangay Riverside may kalabotan sa kasaba nga hinungdan sa pagpabuto sa mga lantaka. (Camille Santos Naraga)(Source: Contributed)