PAGSAULOG SA BAG-ONG TUIG SA SINDANGAN, NAGMALAMPUSON PINAAGI SA VISIBILITY UG FIRE INSPEKSYON SA SINDANGAN CFS
Malampusong gisaulog sa katawhan sa Sindangan, Zamboanga del Norte ang bag-ong tuig human gipadayon sa Sindangan Central Fire Station ang ilang paningkamot sa pagpanalipod sa katawhan pinaagi sa pagpatuman og personnel visibility ug fire safety inspection sa tanang giaprobahang baligyaan og pabuto sa lungsod.
Gipangulohan kini ni FSINSP Francis Carl T. Paulite, MPA, Municipal Fire Marshal, isip kabahin sa andam nga mga lakang sa paglikay sa sunog ilabi na karong panahon sa kasadyaan.
Gisusi sa mga bombero ang hustong pagtipig ug pagbaligya sa pabuto, lakip ang pagtan-aw sa fire safety clearances, presensya sa fire extinguishers, ug pagsunod sa balaod sa kaluwasan. Gihatagan usab og pahimangno ug giya ang mga tindero aron masabtan ang ilang responsibilidad sa pagpanalipod sa kinabuhi ug kabtangan.
Pinaagi niini nga inisyatiba, gipakita sa Sindangan Central Fire Station ang ilang padayong paningkamot sa paghimo og luwas, andam, ug lig-on nga komunidad batok sa kalayo.(IKEN B. GULLEM)
Source: Bfp Sindangan mfs