DAVAO CITY — Duha ka mga batan-on ang namatay samtang usa ang samdan human sa insidente sa pagpamusil nga nahitabo sa Mamasapano niadtong Biyernes, Hulyo 18, 2025.
Giila ang mga napatay nga sila Kalyaw Lintang ug alyas Ken, samtang ang usa nga samdan giila sa alyas Jake. Ang tulo ka biktima mga residente sa Barangay Tambak, Lambayong, Sultan Kudarat Province.
Sumala sa inisyal nga impormasyon, gidudahang mga asset sa kapulisan o militar ang tulo ka biktima, rason nga posibleng motibo sa maong krimen.
Padayon ang imbestigasyon sa mga otoridad aron matino ang tinuod nga hinungdan sa insidente ug aron maila ang mga responsable sa pagpamusil. (Camille Santos Naraga)(Source: Contributed)