DAVAO CITY — Balhog sa prisuhan ang usa ka 19-anyos nga babaye human niya gisulayan og tulis ang usa ka taxi driver pinaagi sa pagtiun og kutsilyo.
Ang suspetsado giila sa alyas nga “Jaysa”, 19-anyos, ug residente sa Sto. Niño, Sitio Nenita, Barangay Marapangi.
Base sa imbestigasyon, misakay si Jaysa sa taxi nga gimaneho ni alyas “Gerry”, 45-anyos, gikan sa terminal sa Barangay Toril ug nagpahatud sa Southern Philippines Medical Center (SPMC) sa J.P. Laurel Avenue. Pag-abot sa maong lugar, kalit nga mideklarar og hold-up ang suspek ug gidulitan og kutsilyo ang hawak sa drayber.
Apan nakareak dayon ang biktima, nagunit sa kamot sa suspek, ug nakalingkawas, dayong pangayo og tabang sa mga tawo sa palibot. Hinungdan kini sa dali nga pagkadakop sa suspetsado.
Ang suspetsado karon mohunong sa kaso nga Robbery with Intimidation (Hold-up) ug temporaryo nga gitakda sa kustodiya sa kapulisan samtang gihikay ang pormal nga pagsaka sa kaso.(Camille Santos Naraga)(Source: Contributed)