DAVAO CITY – Trahedya ang sinati sa Barangay Matilo, Nabunturan, Davao de Oro kagabii, Abril 28, human matagpuang patay ang usa ka 12-anyos nga batang babaye, nga bag-o pa lang migradwar sa elementarya.
Sumala sa inisyal nga imbestigasyon sa kapulisan, nag-inusara ang biktima sa ilang balay samtang nagtrabaho pa ang iyang mga kabanay. Nadiskubre kini nga wala nay kinabuhi sa ilang panimalay, uban sa samad sa liog nga gituohang hinungdan sa iyang kamatayon.
Gila ang biktima sa alyas “Angel,” samtang giingong ang pangunahing suspek mao si Erwin Solis, ang kapuyo sa iyaan sa biktima, nga karon anaa na sa kustodiya sa kapulisan.
Padayon ang imbestigasyon sa mga otoridad aron matino ang motibo sa krimen ug aron masuta kung gilugos ba ang biktima sa wala pa kini gipatay.(Camille Santos Naraga)(Source: Contributed)