Mokabat sa ₱ 80.20 milyones ang pundong gipaabot uyonan sa konseho sa syudad ubos ni Bise mayor Kikang Uy alang sa pagpatuman sa mga proyekto pagsemento sa mga dalan sa kabaranggayan.
Kini human pasiunang giuyonan sa committee of the whole ni konsehal Edna Dahino atol sa gipahigayong budget hearing sa milabayng semana ang pundo alang sa pagpatuman sa 22 ka mga proyekto pagsemento sa kadalanan.
Lakip niini mao ang proyekto pagsemento sa road shoulder sa Brgy. 35; interior roads sa Brgy. Balubal; mga dalan sa NHA Lourdesville, Balulang; access road sa MCUPA, Sitio Singapore, Balulang; dalan sa Zone 2 nga naglakip og drainage sa Lower Bulua; Villa Trinitas Phase 1, Bugo; road shoulder sa Carmen-Canitoan road; Sacred heart Village, Carmen (Phase 2); Virginia Homes Subd., Iponan; Villa de Oro, Kauswagan; Bayanga-Hawaii-Mahayahay-Patpat, Lumbia; Dulawan, Lumbia; Linaac St., Macasandig; Centennial Village, Mambuaya;; Phase 1 Pagatpat Relocation Site, Pagatpat (Phase 3); Zone 12, Patag; Impaumbo, Lumbia; Sitio Bolihon, Taglimao; Tagpangi-Bayanga Road, Tagpangi; Sitio Banker paingon sa Dunggoan Road, Tinapoloan; Lower Zone 2, Tuburan (Phase 2) ug Manai paingon sa Magayad Road, Tignapoloan.
Si konsehal Zaldy Ocon, chairman sa komite sa public works, mibutyag nga ang maong mga proyekto kabahin sa gihangyo sa katawhan sa nahisgotang mga barangay nga mapatuman aron mahatagan og alibyo ang kondisyon sa ilang kadalanan.
(Sangguniang Panlungsod – CdeO)
