31.2 C
Manila
Friday, March 29, 2024

Dakong Dealer Sa Mga Motorsiklo Sa Central Visayas Ikeha Sa LTO 7

- Advertisement -

Cebu City –  Mihatag  na og pagtugot ang LTO o Land Transportation Office pagpasaka og kasong criminal batok sa usa ka motorcycle dealer nga wa mobayad og buhis ug miduso og kuwestiyonable ug  palsipikadong mga dokumento.

Sa usa ka memorandum pinetsahan og Oktubre 20, si Assistant Secretary Edgar Galvante miawtorisar kang Director Victor Caindec sa LTO 7 pag-refer, pag-coordinate ug pagsang-at og tukmang sumbong batok sa DES Strong Motors Inc.

Sa samang memorandum, gikompirmar ni Galvante ang pagdawat sa case report ug rekomendasyon sa LTO-7 batok sa DES Strong Motors, Inc.

Suma pa ni Galvante, ang  administrative case batok sa DES Strong Motors Inc. gitakda nang ipaubos sa hearing para sa evaluation.

Ang DES Strong Motors Inc., usa lang sa lima ka tigbaligya og motorsiklo sa nasod apan nag base sa Sugbo ug Bohol nga giisyohan og show-cause order tungod sa kalapasan sa rules of accreditation sa ahensiya.

Si Caindec miila sa naasoyng mga dealers nga mao ang  Du Ek Sam Inc., Des Marketing Inc., Des Strong Motors, Desmark Corp. ug Premio Corp.

Nahinabi sa media, si Caindec miingon nga base sa balaod, gitugotan siya pagpadayon sa kaso batok sa badlongong mga dealers apan tungod kay giitsahan man usab siyag mga pasangil, iyang giduso sa kaulohan ang maong butang. (Jhon Tadlip/JTY)

(Source and photo courtesy of LTO 7)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -