41 ka barangay sa Surigao City an misalmot sa Kalinisan and Road Clearing Operations, samtang 6 ka barangay an nagsugod sa ilang Halina’t Magtanim ng Prutas At Gulay (HAPAG) sa Barangay Project na gilatid sa Department of the Interior and Local Government (DILG).
Tungod sa hiniusang pasalig sa kalimpyo ug kahapsay, an mga lokal na lider ug mga opisyal sa barangay nagpasiugda ug sinemana na mga cleanup drive para sa paglimpyo sa mga kadayanan ug mga dayan sa mga tinumpag, pagsiguro na mas luwas ug mas sanitary na palibot alang sa mga residente.
Unom ka proactive barangays an nagsugod na sa pag-establisar ug community gardens sa mga bakanteng lugar agig pagsunod sa DILG Memorandum Circular No. 2023-001.
An HAPAG Barangay Project nagtumong sa pagpalambo sa kaugalingon na pagpatunhay ug pagtubag sa mga panginahanglanon sa nutrisyon sa mga punoan na lebel, pagpauswag sa kalig-on suyod sa komunidad.
Subay niini na mga paningkamot, an DILG naghatag ug gibug-aton sa kamahinungdanon sa pagpatunhay sa road clearing operations, nag-awhag sa tanang barangay sa pagsunod sa mga guidelines na gilatid sa ilang memorandum maingon man pagsiguro na wayay babag na agianan sa mga motorista ug pedestrian.
(Mark James Lisondra, photo courtesy by Surigao City PIO)
