Mapasigarbohong mipa-abot sa ilang mainitong pahalipay ang Department of the Interior and Local Governmentt (DILG) pinaagi ni DILG Regional Director, Paisal O. Abutazil ngadto sa tanang mga kagamhananag lokal dinhi sa atong lalawigan alang sa kusganon ug desididong pagdumala, ug sulondong kalamposan dinha sa paghimo sa ilang mga kaakohan sa pagtubag ngadto sa kampanya batok sa iligal nga droga sa atong nasudnong kagamhanan basi sa gipakitang resulta sa “2021 ADAC PERFORMANCE AUDIT NATIONAL RESULT.”
Sumala pa nga ang 14 ka mga LGUs nga nakabaton og “HIGH” Functionality Rating ang gi-isip nga eligible alang sa pasidungog ug premyo, apan human sa dugang pagahimoong balidasyon ug pagsusi sa ADAC National Audit Team (ANT).
Kahibalo-an nga kining nasangpit nga kalamposan nga na-angkon sa atong dakbayan maoy konkretong resulta sa subsob ug sinserong paningkamot sa kagamhanang lokal sa Dipolog ubos sa pagpanguna ni City Mayor Darel Dexter T. Uy, dinha sa paghimo sa tukmang mga aksiyon, isip pagsuporta ngadto sa nasudnong kampanya batok sa iligal nga droga.
Ning kasamtangan, isip pagpakita sa sinserong katuyu-an sa atong dakbayan dinha sa pagtabang sa atong nasudnong kagamhanan, ang atong kasamtangang liderato ang mi-establisar sa “BALAY SILANGAN”, niadtong nakalabay nga Oktubre 7, 2021, isip usa ka reformatory institution mga maoy motubag dinha sa pagpatuman sa progama sa repormasyon sa mga “drug offenders”, uban sa paghatag kanila sa kahigayonan nga mapa-ilawom sa vocational training nga ilang magamit alang sa panginabuhi-an human sa ila unyang pagbalik ngadto sa atong katilingban alang sa pagbag-o.
(Source: Dipolog City Government Facebook page)