Dakbayan Sa Dipolog, Nagpasalamat Sa OCD-IX Sa Donasyong Gidunol Alang Sa Dakbayan

Malamposong gidawat sa kagamhanang lokal ning dakbayan ang donasyon gikan sa rehiyonal nga buhatan sa Office of Civil Defense (OCD) kagahapong adlawa, Hunyo 10, 2021 sa buntag didto sa City Hall, dinhi sa siyudad.

Ang nasangpit nga mga kinartong donasyon ang gidawat ni OIC City General Services Officer ug Logistic Officer, sa Incident Command Post ning siyudad, Ms. Edilaine L. Aya-ay, diin sigun sa dugang nasayran nga kining maong mga donasyon ang gihatag aron magamit sa atong mga Frontliners / workers dinha sa atong mga Ligtas COVID Centers ug Barangay Isolation Units (BIU) dinha sa ilang pagpakigkumbati ning atong nasinating pandemya.

Sigun sa makita gikan sa Acknowledgment Receipt gikan sa ICS-Logistics Section, ang mga donasyon ang gilangkoban ning mosunod:

1. 500 boxes – – – – – – -Co-amoxiclav (Clovintin) 500mg – ( 18 tablets per box)
2. 58 boxes – – – – – – -Co-Amoxiclav (Axalav) 500mg – (21 tablets per box)
3. 80 boxes – – – – – – – Co-amoxiclav (Comxicla) 625mg – (20 tablets per box)
4. 118 boxes – – – – – – -Ascorbic Acid (Immucee) 500mg – (100 capsules per box)
5. 154 boxes – – – – – – – Cetirizine (Saphzine) 10mg – ( 100 tablets per box)
6. 200 boxes – Lungene Covid 19 Antigen Rapid Test Cassette-(25 tests per cassette per box)
7. 1 unit – – – – – – – – – – Camel washing machine WMTT-K72 – (7.2 kg capacity)
8. 78 gallons – – – – – – – Casino ethyl 70% solution Mid Fragrance
9. 651 boxes – – – – – – – Large Blue Vinyl/Nitrile Bland Gloves – Powder Free (10) x 100 pieces per box or 500 pairs per box)
10. 112 boxes and 10 pcs. – – Coverall PPE 170/large ( 50 pieces per box) ug
11. 19 boxes – – – – – – – -Coverall PPE 180/XL ( 50- pieces per box )

Ning susamang kalamboan, sa pagka Hunyo 11, 2021 sa buntag, laing delivery sa donasyon ang nahidangat na usab dinha sa City Hall, isip laing hugna sa donasyon gikan gihapon sa rehiyonal nga buhatan sa OCD.

Subay niini, mainitong mipa-abot sa iyang kinasing–kasing nga pagpasalamat si City Mayor Darel Dexter T. Uy ngadto sa Office of Civil Defense dinhi sa rehiyon, sa tabang niini alang sa atong dakbayan dinha sa padayong natong pagpakigkumbati batok sa COVID 19. (City Information Office-afb)