Cagayan de Oro – SIENTO SINGKWENTA (150) ka Children with Disabilities ug ilang mga ginikanan ang miduyog sa pagsaulog sa Children with Disability Day, kagahapong adlawa, Nobyembre 25, diha sa city hall quadrangle, ning siyudad.
Atol sa kalihokan, gilingaw ang mga bata pinaagi sa nagkadaiyang parlor games.
Samtang, mihatag sa ilang tagsa-tagsa ka mensahe sila si Committee on Social Services Chairperson City Councilor Girlie Balaba, Chief of Staff Sheila Lumbatan kinsa mao usab ang City GAD Focal person ug nangulo sa City Gender and Development Focal Point System, City Social Welfare and Development (CSWD) Department Social Welfare Community Development Division Head Meriam Caducoy kinsa mirepresentar ni CSWD Officer Annie Tongson.
Ang maong kalihokan gipangulohan sa CSWD uban sa Persons with Disabilities Affairs Office (PDAO).
Kini kabahin sa kasaulogan sa children’s month diin ang tema mao ang ‘Healthy, nourished, sheltered: ensuring the life for all.
News and photo courtesy of Cagayan de Oro City Information Office