Cagayan de Oro – MIDUYOG ang kagamhanang lokal sa Cagayan de Oro ubos sa administrasyon ni Mayor Rolando ‘Klarex’ Uy sa pagsaulog sa National Volunteers Month (NVM) karong bulan sa Disyembre isip pagsaludo sa mga bag-ong bayani ug tigpalagsik sa kalihokan sa bolunterismo.
“During this National Volunteers Month, let’s seize the chance to reaffirm our dedication to serving others and to celebrate the incredible power that comes from working together. By working together, we can create a country that is more resilient, caring and peaceful”, tipik sa pamahayag ni Mayor Klarex.
Gidasig ni Mayor Klarex ang katawhan nga aktibong molambigit sa mga kalihokan o proyekto nga makapalambo sa komunidad.
Alayon niini, pipila ka mga delegado gikan sa syudad sa pagpangulo ni Mr. Alain Roy Romero, focal person sa City Volunteerism & Active Citizenship – Office for Community Affairs ang malampusong misalmot sa NVM2023 kick-off ug volunteer forum niadtong Disyembre 1 nga gipahigayon sa syudad sa Dapitan, Zamboanga del Norte.
Giawhag usab ang katawhan ilabina ang mga empleyado sa city hall nga suportahan ang ipahigayon nga ‘Dugong Kagay-anon, Dugong Matinabangon’ bloodletting activity karong umaabot Disyembre 21 ning tuig isip kabahin sa pagsaulog sa National Volunteers Month.
News and photo courtesy of CIO CDO