Dagdag singil sa kuryente ini-anunsiyo na ng Meralco

Nag-anunsyo na ng dagdag-singil sa kuryente ang kompanyang Meralco.

Batay sa abiso nito, nasa anim na sentimo ang madadagdag sa kada kilowatt hour ng kuryente.

Katumbas ito ng nasa 12 pisong dagdag para sa mga kumokonsumo ng 200 kilowatt hour kada buwan.

Magre-reflect naman ang naturang taas-singil sa kuryente ngayong April bill ng mga konsyumer.

Ayon pa sa Meralco, ang pagbabago sa presyo ng singil ng kuryente ay bunsod ng pagtaas ng generation charges.

Samantala, ito na ang ikatlong sunod na dagdag-singil sa kuryente ngayong taon.