Cebu City – Nakasakmit ang mga tinugyanan sa Customs Cebu og kargamento nga gisudlan og esmagol nga usa ka libo ka baston sa sigarilyo.
Sa usa ka statement, ang Bureau of Customs o BOC Cebu miingon nga ang naasoyng mga sigarilyo mokantidad og ₱ 54.6 milyones.
Sumala pa sa BOC-Cebu, nahiabot sa Sugbo ang mga kontrabando niadtong Agosto 16 sud sa 40-footer container van nga gideklarar nga mga furniture sama sa drawers, tables, cabinets, ug lockers.
Apan gisiksik kini sa mga awtoridad pagka Lunes, Agosto 17, tungod sa taho nga gipatabanan kinig mga sigarilyo.
Gihimo usab ang X-ray ug physical examinations sa miaging adlaw ug nasuta nga aduna kiniy pinalusot nga mga baston sa sigarilyo.
Nasuta usab sa physical examination nga mikabat og 1,092 ka baston sa sigarilyo “Astro” ang kargamento.
Giisyohan dayon sa Customs og Warrant of Seizure and Detention ang shipment tungod sa kalapasan sa “Customs Modernization and Tariff Act” ug ipaubos kini sa seizure and forfeiture proceedings.
(Jhon Tadlip/ JTY)
(Source: Bureau of Customs Cebu)