Cagayan de Oro City – Bisan pa man nga naay pagsaka sa trend nga mahimong hugkaan ang quarantine restrictions sa tibuok nasud ug sa bisan pa mang bahin sa kalibutan, wa kini magpasabot nga isalikway na lang ang pagsunod sa health protocols sa Covid-19. Mao kini ang gisugilon ni Mayor Oscar Moreno sa syudad sa Cagayan de Oro atol sa press briefing diin matud niya kon makita nga adunay pagkunhod sa kaso sa di pa ang Pasko, ayha pa luagan ang mga restrictions.
Matud sa mayor, usa sa una niyang hugkaan kon moubos ang kaso sa Covid-19 mao ang pagpatuman sa curfew hours. Gikan sa 9PM-5AM, mailipayon niyang isibog kini gikan 11PM-4AM aron mahatagan ang katawhan sa paggawas sa ilang pinuy-anan basta kay sila protektado.
Nasayran nga sa nakalabay nga mga adlaw, ang Cagayan de Oro mo-average na lamang sa 20 ka mga kaso sa Covid-19 matag adlaw. Matud ni Moreno, ang pagpaluag sa quarantine restrictions wa magpasabot nga morelax na lang sa pagsunod sa minimum health protocols same sa pagsul-ob sa face mask, face shield, physical distancing ug disinfections.
(City Information Office – CdeO)
