Cebu City – Gipahigayon ang Grand Launching sa centralized automated ticketing system alang sa mga pasahero probinsya sa Sugbo sud sa Cebu South Bus Terminal (CSBT), Martes, Mayo 18, 2021.
Si Gobernor Gwendolyn Garcia maoy nangulo sa maong pagbukas nga gitambongan ni Land Transportation Franchising and Regulatory Board Regional 7 Director Eduardo Montealto.
Lakip sa mga mitambong si LTO-7 Regional Director Victor Caindec ug Mr. Eugene Eric Lim sa Topline Group of Companies
Alang kang Montealto ang maong sistema maka hatag kini ug safety ug security sa mga sumasakay.
Ning bag-ong sistema, adunay tap cards nga gamiton alang sa pagsud ug pagsakay sa mga bus sa CSBT.
Dugang sa tap cards, duna say QR tickets nga mapalit sud terminal.
Ang maong tap cards ginganlan ug suroy-suroy cards gamiton isip entry pass sa terminal pag-implementar sa no-ticket no entry policy.
Tuyo sa maong centralized automated ticketing system mao ang pag reduce sa taas nga linya sa mga pasahero labi na atol sa weekends.
Una niini, ang Cebu Provincial Government mipirma ug Memorandum Of Agreement (MOA) tali sa Topline Hi-Tech Synergy Corporation.
Ang maong kompaniya maoy exclusive service provider ug systems developer sa design, supply installation, operation ug maintenance sa automated ticketing system sa CSBT.
Pinasubay ang MOA sa Cebu Provincial Board Resolution No. 2005-2020, niadtong Setyembre 21, 2020.(Jhon Tadlip/JTY)
(News & photo courtesy of Cebu Provincial Government)