Si Police Colonel Percival Zorrilla, ang miaging director sa Cebu Provincial Police Office (CPPO), mihimo og exit call ngadto kang Governor Gwen Garcia didto sa Kapitolyo Biyernes, Enero 3, 2025.
Si Colonel Zorrilla, nga miserbisyo isip Provincial Director sulod sa kapin usa ka tuig, gibalhin na ngadto sa National Capital Region. Ang iyang reassignment order epektibo sugod niadtong Disyembre 27, 2024.
Sa mao gihapong petsa, si Police Colonel Jovito Atanacio, Chief of the Personnel and Records Management Division sa Police Regional Office 7, gitudlo isip Officer-in-Charge sa Cebu Provincial Police Office.
Atol sa exit call, uban ni Colonel Zorrilla si Police Colonel Jovito Atanacio, Police Lieutenant Colonel Bryan ‘O Neil Salvacion, ug Congressman Sonny Lagon sa Ako Bisaya Partylist.
Si Colonel Atanacio ang magdumala temporarily sa operasyon sa Cebu Provincial Police Office hangtod nga ma-appoint ang permanenteng Provincial Director.
(Renante Socia Lada)
(Source: Cebu Provincial Capitol PIO)