COVID-19 testing capacity ng bansa wala pa sa kalahati ng target nito na 30-K per day —DOH

Umaabot pa lamang sa 12,000 hanggang 13,000 ang nabibigyan ng coronavirus disease 2019 (COVID-19) test araw-araw.

Sa gitna ito ng target na 30,000 COVID-19 test hanggang nuong katapusan ng Mayo.

Ayon kay Health Undersecretary Maria Rosario Vergeire, pinakamataas na naabot nila ay nuong June 17 nang makapagsagawa sila ng 16,000 tests sa loob lang ng isang araw.

Sinabi ni Vergeire na nananatiling goal ng Department of Health (DOH) na mapalakas ang testing capacity ng bansa sa sandaling maplantsa ang ilang problema sa mga laboratoryo.