Cebu City – Ipadayon sa Department of Health o DOH 7 ang pagpatuman savaccination program luyo sa hulga sa coronavirus pandemic.
Suma pa sa tigpamabasa DOH 7, Dr. Mary Jean Loreche, ilang buksan ang national measles vaccination initiative for children karong Oktubre 28.
Apan tungod kay ubos sa kasamtangang protocol gidili man ang mga menor de edad nga ubos sa 21 anyos paggawas sa balay, matod ni Loreche, nagplano sila pagpahigayon sa vaccination sa house-to-house.
Atol sa virtual press conference, si Loreche miingon nga sa naandan, ang mga ginikanan ang moda sa ilang mga bata sa health center aron iparehistro sa libreng pagpamakuna, apan karon lahina.
Giangkon sa opisyal nga ang quarantine restrictions tungod sa hulga sa coronavirus disease o Covid-19 nakaapektar sa ubang serbisyo ug programasa DOH lakip sa pagpamakuna sa mga bata batok sa ubang sakit.
Dinhi sa Central Visayas, ang regional health office naka-imunizena og 47,317 ka bata sa unang walo ka buwan ning tuiga apan minos kini og 13 porsyento kon itandi sa numero sa samang panahon sa milabayng tuig.
Target sa DOH-7 nga makabakuna og hangtod sa 163,262 ka bata karong tuiga. (Jhon Tadlip /JTY)
(Source & Photo : Department of Health 7)