34.7 C
Manila
Thursday, March 28, 2024

Basement Sa Usa Ka Hotel Sa Cebu City Nasunog, 300 Mil Pesos Banabanang Danyos

- Advertisement -

Cebu City – Nasunog ang basement sa usa ka hotel sa uptown area sa dakbayan sa Sugbo alas 7 pasado gahapon sa buntag.

Apan ang kabomberohan naglibog pa unsay nakaingon sa kalit nga pag-aso ug pagkayo sa ubos nga bahin sa White Knight Hotel Cebu, kanhi Mango Park Hotel, nga nagyaka sa General Maxilom Ave.

Matod ni FO2 Emerson Arceo, miulbo ang sunog alas 7 pasado pa apan na alarma sila alas 8 pasado na.

Giasoy ni Arceo nga sa ilang pag-abot, naglisod sila pagsulod tungod sa kabaga sa aso.

Tungod niini, migamit sila og breathing apparatus aron makasud sa  basement nga giabangan sa usa ka telecom company diin nahimutang usab sa IT Department sa hotel ug ubang opisina.

Midugang si Arceo nga hingpit napawong ang kayo  alas 10:22 nasa buntag ug ang danyos gibanabana nga miabotog ₱ 300,000.

Ang kabomberohan padayon pang nagsusi sa hinungdan sa sunog apan nagduda sila nga electrical short circuit ang nakaingon. (Jhon Tadlip/JTY, photo courtesy by CDRRMO)

 

(Source: Bureau of Fire Protection – Cebu City)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -