Muling nadagdagan ng higit 38,000 ang kaso ng coronavirus disease 2019 (COVID-19) sa Estados Unidos nitong nakalipas na 24 oras.
Dahil dito, nasa higit 2,462,000 COVID-19 cases na ang naitatala sa Estados Unidos.
Aabot naman sa 124,000 ang bilang ng mga namamatay dahil sa virus, matapos na madagdagan ng 800 panibagong mga COVID-19 related deaths.
Sa kaparehong datos, mayroon pang higit 1.3 milyong mga active cases, habang naitala rin ang higit 1 milyong mga nakarekober na sa COVID-19 sa Estados Unidos.