Puspusan ang ginagawang disinfection sa mababang kapulungan ng kongreso.
Ito’y matapos umakyat na sa 71 ang bilang ng mga tinamaan ng COVID-19 sa Kamara De Representantes.
Ayon kay House Sec/Gen. Jose Luis Montales, isang consultant mula sa speaker’s office ang pinakahuling tinamaan ng COVID-19.
Huli aniya itong pumasok sa Kamara noong Agosto 24 at 25.
Agad isinailalim sa COVID-19 test ang nasabing consultant matapos makaranas ng pangangati at panunuyo ng lalamunan, panghihina ng katawan, sipon at pagkawala ng pang-amoy gayundin ng panlasa nito.