Duha ka adlaw nga pagbansay-bansay ang gitunol sa Departamento sa Agrikultura sa mga partisipante gikan sa nagkalain-laing barangay sa dakbayan pinaagi sa pagpahigayon sa “Containerized Urban Agriculture and Gardening Project” didto sa Function Hall Moninas Pensionne House ning syudad sa Dapitan sugod kagahapon kutob karung adlawa.
Tumong niini mao ang pagtudlo kon unsaon pagtanom ug makahimo sa pang-adlaw-adlaw nga pagkaon ilabina nga anaa kita sa panahon sa pandemya.
Sumala pa nga nagkataas ang populasyon apan nagkagamay ang mga mag-uuma maoy hinungdan nga motaas ang presyo sa mga palaliton.
Base sa World Health Organization, daghan ang nagkasakit gumikan sa kontaminasyon sa pagkaon mao nga mas maayo nga makahimo sa kaugalingon alang sa luwas nga pagkaon sanglit adunay pundo gikan sa gobyerno aron matudloan og unsaon pagdaghan o pagtaas sa produksyon sa mga utanon bisan pa nga gamay ang luna.
Mihatag sa mensahe si Eugenio Endrina, Jr , Supervising nga dako’g tabang ang pagbansay-bsnsay sa atong inadlaw-adlaw nga panginahanglanon ilabina nga wala kini kemikal sanglit usa kini ka organic ug gilantaw nga makahimo kini sa pagsumpo sa malnutrition.
Gipadangat usab ni Konsehal Ronie “Pareng Hope” Jarapan ang mensahe ni Mayor Rosalina Jalosjos diin matud pa ang paglimbasog sa mga kawani sa agrikultura aron makamugna sa pamaagi sa pagbatok sa kalisod sa kinabuhi.
Nanghinaut usab ang mayor nga lig-onon sa departamento sa agrikultura ang ilang pagpanerbisyo aron mas daghan pa ang matabangan nga mga katawhan lakip na ang mga partisipante nga hatagan sila sa pamaagi sa uban aron mapuslan kini sa mga katawhan sa dakbayan.
Giasoy usab ni Provincial APCO George B. Vallente nga ang training workshop gipahigayon kini sa Rehiyon IX sa mga dakbayan sa Dapitan, Dipolog, Zamboanga, Pagadian ug Ipil Zamboanga Sibugay aron matudloan unsaon pagbaton sa produksyon sa mga utanon kon anaa sa urban area.
Nagpasalamat usab siya sa buhatan sa agrikultura sa Dapitan nga anaa ang pagkamaabtikon ug kooperasyon sa pagpatigayon sa mga proyekto kabahin sa panguma ubos sa pagpaningkamot ni Mayor Nene Jalosjos ug City Agriculturist Cyril Patangan.
Subay niini gihatagan sa pag-ila ang kagamhanang lokal pinaagi sa plake gikan sa Bureau of Soil and Water Management Department of Agriculture ngadto ni Mayor Rosalina Jalosjos ug Cyril Patangan, City Agriculturist nga gitunol kaniadtong Hunyo 14 ning tuig ilawom sa PAGPUPUGAY 2021, didto sa Diliman lungsod sa Quezon.
(Source: CITY INFORMATION DIVISION-CID Dapitan Facebook page)