City environment and Natural Resources (CENRO) Officer Allan Marcilla ginadayeg ang lakang nga ginahimo sa Sangguniang Panlungsod sa GenSan nga nagaplano sa pagduso og resolusyon nga nagakondena sa coal mining activity sa Ned Lake Sebu, South Cotabato.
Gipaklaro sa nahisgotan nga bisan tuod og dili direktang maapektuhan ang dakbayan sa mining activity apan sa impak niini direkta usab nga maapektuhan ang dakbayan.
Nasayran nga plano sa Sanggunian ang pagduso og resolusyon nga pagkondena ug ipadala gyud sa Regional Development Council, Sangguniang Bayan sa Lake Sebu ug sa Barangay Ned hangtod na sa House of Representative ug sa Senado.
Kahinumdoman nga unang ginakakuyawan ni Councilor Beth Bagunoc nga ang maong pinakahugaw nga matang sa pagmina ang maoy mokontaminar sa mga kasapaan ug mudagayday paingon sa Sarangani Bay.
Gihingusgan pa niini nga dili lang ang mga isda ug mga wildlife ang maapektuhan apan labaw na ang mga katawhan.
Keywords: Coal mining sa South Cotabato, City environment and Natural Resources (CENRO) Officer Allan Marcilla, gikondera sa Sangguniang Panlungsod sa GenSan.
(Source: SP GenSan)