Walay pagbago sa singil sa plitihan sa mga public utility vehicles nga adunay biyahe pasulod og gawas sa General Santos City.
Sa pakighinabi sa RPN GenSan ning Huwebes, October 22, kang City Public Terminal Administrator Restituto Facurib, nagpahinumdom kini sa mga pasahero nga wala’y pagbago sa singil sa pamasahe, taliwala sa limitadong biyahe karon sa mga pamasaheroang van ug bus.
“Walay pagbago siya. Sample lang nato, GenSan to Marbel ang Mindanao Star, P130 tong niagi, karon, P130 lang gihapon. Ang Yellow Bus, P132. Karon, P132 lang gihapon ang ilahang pamasahe. Sa atong mga vans, pareho lang gihapon katong niagi ug karon nga nag-resume ang atong biyahe, “ang pagpaklaro sa opisyal.
Una nang gikumpirma ni Facurib nga nadugangan pa ang ihap sa mga transport cooperatives nga natugutan nang makabiyahe sa General Santos City, human gipailawom ang siyudad sa modified General Community Quarantine status.
Sa datus gikan sa City Public Terminal Administration, lakip sa mga nahatagan na ug special permit gikan sa Land Transportation Franchising and Regulatory Board (LTFRB) ang mga public utility vans sa Lagao Food Terminal, partikular ang:
?GodTransCo ug Jags nga adunay biyahe GenSan to Glan;
?MalGenTransCo nga adunay biyahe GenSan-Malungon-Banate;
? MTC nga adunay biyahe GenSan-Malandag ug
?AlTransMulCo nga adunay biyahe nga GenSan-Alabel.
Sa mga PUVs nga anaa sa Bulaong Terminal, lakip sa mga nahatagan ug special permit ang:
?PolMarGen nga adunay biyahe GenSan-Polomolok-Marbel;
? TavTransCo nga adunay biyahe GenSan-Tampakan;
?SatSai nga adunay biyahe GenSan-Surallah;
?KiamTransCo, nga adunay biyahe GenSan-Kiamba sa Sarangani province ug
?GPTransCo nga adunay biyahe GenSan-Palimbang sa Sultan Kudarat.
(Leo Martin Cellan)