Nag-awhag karon ang pangulo sa City of Talisay Traffic Operations and Development Authority (CT-TODA), nga si Jonathan Tumulak sa mga ginikanan nga dili pa manihu-on ang mga minor de edad.
Nunot kini sa nahitabo kagahapong adlawa, Hulyo 12, 2023 diin usa ka 12 anyos nga tinun-an ang nagmaniho sa pick-up ang naka bangga og sakyanan didto sa Uldog Street, siyudad sa Talisay.
Gitataw ni Tumulak nga dakong kalapasan subay sa balaod ang mga minor de edad nga mag drive og sakyanan ug labi na wala kini lisensya.
Matud pa ang 12 anyos nga bata naka dasmag og auto sa gimaniho na pick-up samtang gisugo kini papangita og mo drive para sa pagpamalit og tubig.
Sa panagtagbo sa duha ka habig nangayo og pasaylo ang ginikanan ug nisaad nga dili na kini pa utruhon sa pagmaniho.
Photos: CT-TODA
via Renante Lada