City Hall Striktong Mopatuman Sa Non-Pharma Health Interventions

0
16

Tungod sa nagpadayong pagsaka sa mga kaso sa Covid-19, gimando sa City Hall ang striktong pagpatuman ug pagtamod sa mga protective measures aron mapakgang ang pagkaylap sa maong sakit.

Sa Memorandum Order No. 0917-20 nga giluwatan sa administrador, ang tanang hepe sa lain laing departamento gimandoan sa pagpatuman sa inadlaw adlaw nga bulohaton sama sa pagsuot sa face mask ug face shield sa tanang panahon, pagtamod sa usa ka metro nga physical distancing, paglikay sa social gatherings, makanunayon nga paghugas sa kamot ug pag-sanitize ug likayan ang paghikap sa nawong.

Niini, kun adunay mga gibating simtomas sa Covid-19 sama sa pag-ubo, flu, pagkawala sa panlami, diarrhea ug uban pa gikinahanglan nga magpasusi gilayon. Ang mga kawani giawhag nga mag-amping kanunay ug kun adunay mga gibati dili na motrabaho ug mokonsulta na sa doctor.

Dugang pa, giaghat ang tanang kawani nga dili una mobyahe ngadto sa laing probinsya o’ rehiyon gawas lang kun gikinahanglan. Ang tanang mobyahe kinahanglan usab nga magpahibalo ngadto sa ilang mga hepe sa itinerary isip precautionary measure.

Ang maong memorandum gisuportahan ni Bise Mayor Kikang Uy tungod kay dako kini og tabang aron malikayan ang pagkaylap sa Covid-19 human daghan nang mga lokal nga kagamhanan ug ahensya sa gobyerno ang nakasinati nga ilang mga kawani natakbuyan sa Covid-19. (Sanggunian Panlungsod)

 

 

Leave a Reply