Pagadian City – Samdan ang usa ka lalaki human kini gipusil alas 9 kagabii, Abril 5 2021 sa Sabellano street, Brgy. San Pedro Pagadian City.
Giila ang biktimabnga si Wilmer Masarang Cowno aka “Budha”, 34 anyos, ulitawo, usa ka Chief mechanic- LGU Pagadian ug lumolupyo sa Purok Aguinaldo, Sto. Nino ning dakbayan.
Matud pa sa biktima, gimaniho nya ang iyang tri-wheeler vehicle kon Bao-Bao sakay ang iyang asawa ug tulo ka anak dihang kalit lamang dunay miaksyon ug bangga kanilang single Motor kolor puti nga nagdala sa plakang 090102 sakay ang duha ka lalaki naka gray jacket ug naka facemask, apan swerteng iya kining nalikayan apan wala pa sya matud pa makabawi, dunay gasunod nga laing motorsiklo ug nadungog na lamang nya nga dunay buto sa pusil.
Nakaangkon ug samad pinusilan sa liog ang biktima samtang luwas ra ang iyang pamilya. Dali gilayon kining gidala sa Aisah Medical Hospital ang pinakaduol nga balay tambalanan sa lugar.
Narekober sa crime scene ang usa ka basyo sa bala sa 45 nga kalibre s pusil samtang ang mga suspetsado daling miikyas padulong sa highway.
Kasamtangang gipahigayon karon ang pursuit operation batok sa mga suspetsado..
(Source: Pagadian Municipal Police Station, photo courtesy of Pagadian News Icon)