27.2 C
Manila
Friday, March 29, 2024

Chairman Ti Committee On Health Ti Sang. Panlalawigan, Maysa Kadagiti Kaunaan A Nabakunaan Ti Maikadua A “Dose“ Ti Sinovac

- Advertisement -

Nakumpleton ni Senior Sang. Panlalawigan Member Dr. Medeldorf Gaoat, chairman committee in health ti dua a “dose” a panagbakuna ti kontra COVID-19

Daytoy ket kalpasan a maysa kadagiti kaunaan manen a nagbakuna iti daytoy nga aldaw a maika-28 nga aldaw sipud nagbakuna ti “first dose” ti Sinovac wenno CoronaVac.

Mainaig iti daytoy, inbunannagna a nakamaymayat ti riknana agsipud ta nalpasanna ti umuna ken ti maikadua a “dose” ti nasao a bakuna uyjhm.

Imbatadna a kalpasan a nabakunaan iti maikadua a “dose” ket mabalinna a kunaen a natalged ti nasao a bakuna.

Gapu iti daytoy, impeksana ti napalaus a panagyamanna ken Gob. Matthew Marcos Manotoc a kanayon a mangkitkita iti para ti pagsayaatan ti probinsia pakairamananen ni Pres. Rodrigo Duterte ken ti gobierno ti china a nagidonar ti bakuna.

Nagapela kadagiti kakailian iti panangiyanus a manguray iti bakuna a para iti probinsia gapu ta narigat ti makaala agsipud iti kinaadu dagiti pagilian nga agkalikagum a makaala ti bakuna kontra COVID-19.

Impanamnamana a madanonto latta ti batang dagiti kakailian ken dagiti sumaruno a mabakunaan ket dagiti “senior citizen” ken dagiti addaan ti “cormbidities”

Pakaseknan daytoy, kiniddawna iti tunggal maysa nga agsagana para iti panagbakunada ken masapul a saan dagitoy nga agbuteng agsipud ta daytoy ket saan laeng a para iti pagsayaatan dagiti maseknan ngem ti pamilianda ken iti sibubukel a probinsia.

Nupay kasta, inpagunagumana iti naminsan pay a gundaway a nasken a saan a liplipatan ti agusar ti face mask, face shield, panagobserbar ti “social distancing” ken ti panangliklik nga agturong iti paguumongan dagiti tattao. (Ronald Domingo, RPN DZRL Batac Correspondent)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -