Personal nga gitunol ni Surigao City Mayor Pablo Yves L. Dumlao II ang kantidad nga P100,000.00 nga gikan sa syudad nan Surigao ngadto sa usa ka centenarian sa brgy. Ipil nga si Olympia G. Tabon.
Matud pa ni Olympia nga usa sa iyang mga sekreto nga naangkon ang 100 years nga pangidaron, mao ang pagkaon permi ug gulay sanan pag likay sa mga pagkaon nga taas ug cholesterol sama sa karneng baboy.
Imosyonal usab nga mihatag sa iyang pasalamat si Olympia tungod kay matud pa, sa kadugay nga panahon nga siya nagbalhin balhin ug puloy-anan, kuman pa siya nakadawat ug dakong tabang gikan sa gobyerno sama sa cash incentives.
Si Olympia Tabon, natawo niadtong Hunyo 12, 1922.
Kini nga programa nan gobyerno nan Surigao inubanan sa opisina sa CSWDO sanan sa City Treasurer’s Office nagpaabot ug dakong kalipay sanan paghatag ug importansya sa mga katigulangan nga nahimong ihimplo sa kadaghanan nga makab-ot ang katas-on sa pangidaron sanan sa ilang mga nahatag nga kalambuan sa kumunidad sa kaniadtong panahon. (Rhoda Mae Sacro-Ronda 25)
