Puros nakabsan sa kinabuhi ang duha ka mga lalaki na luwan sa motorsiklo human gipang pusil sa wala matino na suspetsado.
Ang krimin nahitabo didto sa Barangay Apo, lungsod sa Argao, probinsya sa Sugbo, pasado alas 3:00 kagahapon sa hapon, Mayo 28, 2023.
Ang mga biktima giila sa kapulisan sa lungsod sa Argao nga mao sila si Renel Albarracin, hingkod ang panuigon, ug Steven Bajinting, 21 anyos, puros sila residenti sa Brgy.Colawin, sa mao ra nga lungsod.
Sa inbestigasyon sa Argao Police Station, nasayran nga ang duha ka mga biktima nag inangkasay sa usa ka motorsiklo sa dihang gisundan kini ug gipangpusil patay.
Nataho ang maong krimin pasado na alas 4:00 sa hapon ug sa pag abot na sa kapulisan puros na kini nag buy-od nga wala nay kinabuhi.
Ang kapulisan nagpaubos pa sa background check ang mga biktima aron pagsuta kung aduna ba kini gikaaway.
Sa pagkakaron nagpadayon ang inbestigasyon aron pagtino sa motibo sa maong krimin. (Renante Lada)