Napalgang wala nay kinabuhi ang usa ka 41-anyos nga inahan ug ang iyang 3-anyos nga anak sulod sa ilang gipuy-an nga tolda sa Purok Tamsi, Barangay Balud, San Fernando, Cebu, pasado alas 10:00 ang takna sa niaging gabii.
Ang mga biktima giila nga sila si Marittes Rosane Cabaluna, 41, ug ang iyang anak nga si Ajalia Cabaluna, 3 anyos.
Matod sa imbestigasyon sa San Fernando Police, nasayran nga gipalayas sa kaipon niini ang inahan ug anak na maoy hinungdan nga nag barong-barong lang kini.
Sa wala pa nahitabo ang insidenti si Marittes, uban sa iyang suod nga higala nga si Dorlyn Cabillo ug usa ka 15-anyos nga anak sa kanhi kapuyo ni Marittes, nag-inom og usa ka botelyang ilimnong makahubog sa balay sa biktima.
Human sa ilang pag inom nagbuwag na sila ug wala nasayran kung unsay gibuhat ni Cabaluna. Apan sa paglabay sa pipila ka oras gisusi kini sa gi punduhan nga barong-barong ug didto nakit-an nalang kini nga pulos wala nay kinabuhi.
Duol sa nahitabuan nakit-an sa kapulisan ang usa ka grapa nga gi susi pa karong unsa kadto.
Sa pagkakaron padayon ang imbestigasyon sa kapulisan aron pagsuta kung unsay gikanatyan sa inahan ug anak ug sutaon usab kung wala ba kini foul play.
I via Renante Socia Lada