Naluwas ang siyam ka mga pasahero sa motorbangka human kini nalunod.
Ang insidente nahitabo sa hapon sa Enero 29, 2025, atol sa fluvial parade sa kadagatan sa Mocaboc Island.
Sa imbestigasyon nasayran nga samtang nag-escort ang barko sa Coast Guard Substation (CGSS) Tubigon sa fluvial parade, ilang namatikdan ang usa ka motorbanca nga naglisod sa pagsugakod sa dagkong bawod. Tungod niini, mitikyaob ang maong sakayan.
Dali nga miresponde ang mga personel sa CGSS Tubigon ug ilang naluwas ang siyam ka mga pasahero. Ang mga naluwas gihatod dayon sa Bagongbanwa Island aron masiguro ang ilang kahimtang.
Ang maong insidente nagpakita sa kaandam ug kahanas sa mga personel sa Coast Guard Substation Tubigon sa pagresponde sa emerhensya sa kadagatan, nga nakaluwas sa kinabuhi sa mga pasahero.
Source: PCG-7
I via Renante Socia Lada