Duha ka bag-ong solar-powered academic buildings ang itukod sa Cebu Technological University (CTU)–Dumanjug Campus human sa usa ka groundbreaking ceremony niadtong Abril 30, 2025.
Gipangulohan ang maong kalihokan nila ni Cebu Governor Gwendolyn Garcia, Dumanjug Mayor Gungun Gica, ug CTU President Dr. Joseph Pepito. Ang proyekto gisuportahan sa Cebu Provincial Government nga mipondo og P24.3 milyon para sa pagtukod sa duha ka three-story buildings nga adunay unom ka classrooms matag usa, ug adunay floor area nga 187.20 square meters kada classroom.
Gidesinyo ang mga building nga environment-friendly ug malungtaron, gamit ang solar power system alang sa suga ug kuryente. Naa usab kini whiteboards, armchairs, ceiling fans, ug rainwater catchment system.
Mitambong usab sa seremonya sila 7th District Congressman Peter John Calderon, Ako Bisaya Partylist Congressman Sonny Lagon uban ang ikaduhang nominee nga si Carissa Garcia, 7th District Board Member Sarsi Baricuatro, 6th District Board Member Glenn Soco, Moalboal Vice Mayor Lingling Rozgoni, ug mga konsehal sa lungsod nga gipangulohan ni Vice Mayor Wado Gica.
Ang maong proyekto gilauman nga makatabang sa paghatag og mas komportable ug moderno nga kahimtang sa pagtuon sa mga estudyante sa lungsod ug sa tibuok kasikbit nga lugar.
Source: Cebu Provincial Capitol, PIO
I via Renante Socia Lada
#rpndykccebu
#675hzamband
#mrpublicservice