Sa pagsaulog sa Adlaw sa mga Mamumuo, gihatagan ug dakong pasidungog sa Police Regional Office 7 (PRO7) ang tanang Pilipino nga trabahante, ilabi na kadtong nagtrabaho sa rehiyon sa Central Visayas, tungod sa ilang kadasig, pagkugi, ug dakong papel sa paglambo sa nasod.
Gipadayag ni PRO7 Regional Director PBGEN Redrico A. Maranan ang iyang pakighiusa sa mga mamumuo ug gisiguro sa publiko nga andam ang kapulisan sa pagseguro sa kahapsay ug kalinaw atol sa selebrasyon.
Nagpakatap ang PRO7 og igo nga mga pulis ug nagpatuman og mga lakang sa seguridad sa nag-unang lugar sa rehiyon, aron mapadayon ang kahapsay ilabina panahon sa mga rally ug uban pang kalihukan.
Dugang pa ni Maranan, girespeto sa PRO7 ang katungod sa katawhan sa pagpadayag sa ilang mga opinyon ug pagtigom sa malinawon nga paagi. Apan magpabilin gihapon silang andam batok sa bisan unsang kasamok. Gipasabot usab nga gipatuman ang “maximum tolerance” ug nga nakigtambayayong sila sa mga labor groups ug lokal nga mga gobyerno aron hapsay ang tanang aktibidad.
Nagpabilin usab nga mabinantayon ang kapulisan sa Central Visayas batok sa hulga sa seguridad, lakip na ang posible nga pagsamok sa mga Communist Terrorist Groups (CTGs) nga gustong gamiton ang okasyon aron magpasamok o dauton ang imahe sa gobyerno.
Nag-awhag ang PRO7 sa publiko nga magpabiling kalmado, alerto, ug mo kooperar. Ang bisan unsang kadudahang kalihukan mahimong ireport sa labing duol nga estasyon sa kapulisan o sa PRO7 hotline.
Source: PRO7-PIO
I via Renante Socia Lada
#rpndykccebu
#675hzamband
#mrpublicservice