Nasakmit sa Police Regional Office 7 (PRO7) ang kapin sa 1 kilo nga ilegal nga drogas human sa usa ka lawom nga imbestigasyon nga nagpunting sa mga indibidwal nga nalambigit sa kalihukan sa drogas sa rehiyon.
Kagahapong adlawa, Abril 1, 2025, gipahigayon sa Police Station 6 sa Cebu City Police Office (CCPO) ang usa ka buy-bust operation sa Sitio Omega, Barangay Sawang Calero, Cebu City, diin nadakpan ang 37-anyos nga high-value drug suspek nga bag-o lang nasuta nga nalambigit sa pagpayuhot sa ilegal nga drogas.
Sa maong operasyon, nasakmit ang 1,050 gramos nga shabu nga nagkantidad og ₱7,140,000.00, kauban ang usa ka plastic pack, usa ka traveling bag nga gigamit sa pagpanghatod sa ilegal nga drogas, ug ang buy-bust money.
Matod ni PBGEN REDRICO MARANAN, Regional Director sa PRO7, ang ilang kalampusan batok ilegal nga drogas resulta
pakigtambayayong sa komunidad ug mga impormasyon nga ilang nadawat pinaagi sa crime mapping.
“With our strong collaboration with the community, we aim to protect our younger generation and individuals from the detrimental effects of illegal drugs and organized crime. I commend our law enforcement for their dedicated efforts in ensuring our community remains safe and secure,” segon ni PBGen. Maranan.
Sa pagkakaron ang suspetsado anaa na karon sa kustodiya sa kapulisan, nga mag atubang sa kasong paglapas sa Sections 5 ug 11 sa Republic Act 9165 o Comprehensive Dangerous Drugs Act of 2002.
Source: PRO7-PIO
I via Renante Socia Lada