Usa ka gituhoang Meteorite sa kalangitan ang nasigpatan sa mga residente, gabii niadtong Marso 29,2025 didto sa Siayan Zamboanga del Norte.
Ang maong gituohang meteorite nakapangangha sa mga residente nga matod pa ilang nakita ang dakong siga sa kalayo nga nipatim-aw sa kalangitan.
Tungod niini ang mga residente mikuha ug litrato ug video sa gikataho nga nahulog nga meteorite nga kahibulongan kaayo.
Sa pikas bahin nipahigayon ug hugot nga pagsusi ang Bureau of Fire Protection (BFP)inabagan sa kapulisan aron mahibaw-an kung unsa katinuod ang maong taho.
Sa samang higayon ang Philippine Atmospheric, Geophysical and Astronomical Services Administration (PAGASA) nagkanayon nga posible kining usa ka natural nga phenomenon.
Sa pagkakaron ang mga residente nagpaabot sa saktong kasayuran mahitungod sa mitumaw nga gituohang usa ka meteorite o bulalakaw.(Medalyn U. Borja)
Source: K5 NEWS