Nasikop sa kapulisan ang duha ka giingong drug personalities atol sa gihimong buy-bust operation sa Barangay Cabawan, Tagbilaran City, Bohol, karong gabii, Hunyo 7, 2025.
Giila ang mga suspetsado nga sila si alias Froco, residente sa Dauis, ug alias Bert nga taga-Loon. Matod sa imbestigasyon, ang duha pulos kanhi mga piniriso nga nalambigit na kaniadto sa susamang kaso may kalabot sa ilegal nga drogas.
Gikan sa operasyon, nasakmit sa mga otoridad ang dagkong pakete sa gituohang shabu nga gibana-banang may gibug-aton nga 500 gramos o katunga sa kilo. Ang maong drogas nagkantidad og ₱3,400,000.00 kon ibase sa street value.
Padayon ang imbestigasyon sa kapulisan aron masuta kung kinsa pa ang posibleng kauban sa ilang grupo ug asa gikan ang maong ilegal nga drogas.
I via Renante Socia Lada